ਨਾਕੇ ‘ਤੇ ਤਾਇਨਾਤ ਥਾਣੇਦਾਰ ਨੂੰ ਮਾਰੀ ਕਾਰ ਨੇ ਟੱਕਰ : ਗੰਭੀਰ ਜਖਮੀ
ਨਵਾਂਸ਼ਹਿਰ, 19 ਜਨਵਰੀ : ਪੰਜਾਬ ਦੇ ਨਵਾਂਸ਼ਹਿਰ ਵਿੱਚ ਨਾਕੇ 'ਤੇ ਤੈਨਾਤ ਏ.ਐੱਸ.ਆਈ. ਧਨਵੰਤ ਸਿੰਘ ਨੂੰ ਇੱਕ ਕਾਰ ਚਾਲਕ ਨੇ ਸ਼ੁੱਕਰਵਾਰ ਨੂੰ ਟੱਕਰ ਮਾਰ ਦਿੱਤੀ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਏ.ਐੱਸ.ਆਈ. ਧਨਵੰਤ ਸਿੰਘ ਰੋਪੜ-ਨਵਾਂਸ਼ਹਿਰ ਰਾਸ਼ਟਰੀ ਮਾਰਗ 'ਤੇ ਸਥਿਤ ਚੈੱਕਪੋਸਟ 'ਤੇ ਵਾਹਨਾਂ ਦੀ ਜਾਂਚ ਕਰ ਰਹੇ ਸਨ। ਉਹ ਆਂਸਰਾਂ ਹਾਈਟੈੱਕ ਨਾਕੇ 'ਤੇ ਤੈਨਾਤ ਸਨ।ਰੋਪੜ ਵੱਲੋਂ ਆਈ ਇੱਕ ਕਾਰ ਜਦੋਂ ਚੈੱਕਪੋਸਟ 'ਤੇ ਪਹੁੰਚੀ, ਤਾਂ ਚਾਲਕ ਨੇ ਅਚਾਨਕ ਬੈਰੀਕੇਡਾਂ ਕੋਲ ਕਾਰ ਨੂੰ ਪਿੱਛੇ ਮੋੜ ਲਿਆ। ਇਸ ਦੌਰਾਨ ਕਾਰ ਪਿੱਛੋਂ ਆ ਰਹੀ ਇੱਕ ਆਲਟੋ ਨਾਲ ਟਕਰਾ ਗਈ। ਇਸ ਤੋਂ ਬਾਅਦ ਕਾਰ ਚਾਲਕ ਨੇ ਬੈਰੀਕੇਡਿੰਗ ਤੋੜਦੇ ਹੋਏ ਏ.ਐੱਸ.ਆਈ. ਧਨਵੰਤ ਸਿੰਘ ਨੂੰ ਟੱਕਰ ਮਾਰ ਦਿੱਤੀ ਅਤੇ ਮੌਕੇ ਤੋਂ ਫ਼ਰਾਰ ਹੋ ਗਿਆ।ਗੰਭੀਰ ਰੂਪ ਨਾਲ ਜ਼ਖ਼ਮੀ ਏ.ਐੱਸ.ਆਈ. ਨੂੰ ਪਹਿਲਾਂ ਰੋਪੜ ਦੇ ਇੱਕ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ। ਸਿਰ 'ਤੇ ਗੰਭੀਰ ਸੱਟ ਦੇ ਕਾਰਨ ਉਨ੍ਹਾਂ ਨੂੰ ਬਾਅਦ ਵਿੱਚ ਮੋਹਾਲੀ ਦੇ ਇੱਕ ਪ੍ਰਾਈਵੇਟ ਹਸਪਤਾਲ ਰੈਫ਼ਰ ਕਰ ਦਿੱਤਾ ਗਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐੱਸ.ਐੱਚ.ਓ. ਕਾਠਗੜ੍ਹ ਇੰਸਪੈਕਟਰ ਰਣਜੀਤ ...
