ਆਈ ਏ ਐਸ ਅਧਿਕਾਰੀ ਦੇ ਘਰ ਤੇ ਛਾਪਾ : ਕਰੋੜਾਂ ਦੀ ਬੇਨਾਮੀ ਪ੍ਰੌਪਰਟੀ
ਜੈਪੁਰ, 4 ਅਕਤੂਬਰ 2024 - ਰਾਜਸਥਾਨ ਦੇ ਐਂਟੀ ਕਰੱਪਸ਼ਨ ਬਿਊਰੋ (ਏਸੀਬੀ) ਨੇ ਬੁੱਧਵਾਰ ਨੂੰ ਇੱਕ ਵੱਡੀ ਕਾਰਵਾਈ ਕਰਦਿਆਂ ਕੋਟਾ ਦੇ ਡਿਵੀਜ਼ਨਲ ਕਮਿਸ਼ਨਰ ਅਤੇ ਆਈਏਐਸ ਅਧਿਕਾਰੀ ਰਾਜੇਂਦਰ ਵਿਜੇ ਦੇ ਚਾਰ ਟਿਕਾਣਿਆਂ 'ਤੇ ਛਾਪੇਮਾਰੀ ਕੀਤੀ। ਇਹ ਕਾਰਵਾਈ ਆਮਦਨ ਤੋਂ ਵੱਧ ਜਾਇਦਾਦ ਰੱਖਣ ਦੇ ਇਲਜ਼ਾਮ ਤਹਿਤ ਕੀਤੀ ਗਈ।ਏਸੀਬੀ ਦੇ ਡੀਜੀ ਡਾਕਟਰ ਰਵੀਪ੍ਰਕਾਸ਼ ਮਹਿਰਾਡਾ ਨੇ ਦੱਸਿਆ ਕਿ ਏਸੀਬੀ ਨੂੰ ਰਾਜੇਂਦਰ ਵਿਜੇ ਦੇ ਖਿਲਾਫ ਇੱਕ ਗੁਪਤ ਸ਼ਿਕਾਇਤ ਮਿਲੀ ਸੀ, ਜਿਸ ਵਿੱਚ ਉਸ 'ਤੇ ਜਾਇਜ਼ ਆਮਦਨ ਤੋਂ ਵੱਧ ਭ੍ਰਿਸ਼ਟ ਤਰੀਕਿਆਂ ਨਾਲ ਜਾਇਦਾਦਾਂ ਹਾਸਲ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਖੁਫੀਆ ਸ਼ਾਖਾ ਦੁਆਰਾ ਇਸ ਸ਼ਿਕਾਇਤ ਦੀ ਪੁਸ਼ਟੀ ਕੀਤੇ ਜਾਣ ਤੋਂ ਬਾਅਦ, ਏਸੀਬੀ ਨੇ ਆਮਦਨ ਤੋਂ ਵੱਧ ਜਾਇਦਾਦ ਦਾ ਮਾਮਲਾ ਦਰਜ ਕੀਤਾ।ਛਾਪੇਮਾਰੀ ਦੌਰਾਨ ਏਸੀਬੀ ਨੇ ਰਾਜੇਂਦਰ ਵਿਜੇ ਦੇ ਕਬਜ਼ੇ ਵਿੱਚੋਂ ਕਈ ਵੱਡਮੁੱਲੀਆਂ ਵਸਤਾਂ ਬਰਾਮਦ ਕੀਤੀਆਂ। ਇਨ੍ਹਾਂ ਵਿੱਚ 13 ਵਪਾਰਕ ਅਤੇ ਰਿਹਾਇਸ਼ੀ ਪਲਾਟਾਂ ਦੇ ਦਸਤਾਵੇਜ਼, ਬੈਂਕ ਖਾਤਿਆਂ 'ਚ ਲੱਖਾਂ ਰੁਪਏ ਦੀ ਨਕਦੀ, ਬੈਂਕ ਲਾਕਰ, 335 ਗ੍ਰਾਮ ਸੋਨਾ, 11.800 ਕਿਲੋ ਚਾਂਦੀ ਦੇ ਗਹਿਣੇ, ਤਿੰਨ-ਚਾਰ ਪਹੀ...
