ਮਿਲਾਵਟ : ਨਕਲੀ ਰੰਗ ਤੇ ਇੱਟਾਂ ਦਾ ਪਾਊਡਰ ਮਿਕਸ ਕਰਦੇ ਨੇ ਲਾਲ ਮਿਰਚ ਵਿਚ
ਨਵੀਂ ਦਿੱਲੀ, 31 ਜਨਵਰੀ : ਭਾਰਤੀ ਖੁਰਾਕ ਸੁਰੱਖਿਆ ਅਤੇ ਮਿਆਰ ਅਥਾਰਟੀ (FSSAI) ਨੇ ਯੋਗ ਗੁਰੂ ਬਾਬਾ ਰਾਮਦੇਵ ਦੀ ਕੰਪਨੀ 'ਪਤੰਜਲੀ ਫੂਡਸ' 'ਤੇ ਵੱਡੀ ਕਾਰਵਾਈ ਕੀਤੀ ਹੈ। FSSAI ਨੇ ਪਤੰਜਲੀ ਨੂੰ ਲਾਲ ਮਿਰਚ ਪਾਊਡਰ ਦੇ ਇੱਕ ਪੂਰੇ ਬੈਚ ਨੂੰ ਵਾਪਸ ਲੈਣ ਦਾ ਨਿਰਦੇਸ਼ ਦਿੱਤਾ ਹੈ।ਪਤੰਜਲੀ ਵੱਲੋਂ ਸਟਾਕ ਐਕਸਚੇਂਜ ਫਾਈਲਿੰਗ ਵਿੱਚ ਇਹ ਜਾਣਕਾਰੀ ਦਿੱਤੀ ਗਈ ਹੈ। FSSAI ਦੇ ਇਸ ਫੈਸਲੇ ਦਾ ਕਾਰਨ ਲਾਲ ਮਿਰਚ ਦਾ ਖੁਰਾਕ ਮਿਆਰਾਂ 'ਤੇ ਖਰਾ ਨਾ ਉਤਰਨਾ ਸੀ। ਹਾਲਾਂਕਿ FSSAI ਨੇ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਲਾਲ ਮਿਰਚ ਪਾਊਡਰ ਵਿੱਚ ਕੋਈ ਮਿਲਾਵਟ ਪਾਈ ਗਈ ਹੈ ਜਾਂ ਨਹੀਂ।ਅਕਸਰ ਮਿਲਾਵਟੀ ਲਾਲ ਮਿਰਚ ਪਾਊਡਰ ਨਾਲ ਜੁੜੀਆਂ ਖ਼ਬਰਾਂ ਸਾਹਮਣੇ ਆਉਂਦੀਆਂ ਹਨ। ਬਾਜ਼ਾਰ ਵਿੱਚ ਸਸਤੇ ਭਾਅ 'ਤੇ ਮਿਲਾਵਟੀ ਮਿਰਚ ਪਾਊਡਰ ਵੀ ਮਿਲਦੇ ਹਨ, ਜੋ ਦੇਖਣ ਵਿੱਚ ਬਿਲਕੁਲ ਅਸਲੀ ਲੱਗਦੇ ਹਨ। ਹਾਲਾਂਕਿ ਇਸਦੀ ਵਰਤੋਂ ਨਾਲ ਕਈ ਗੰਭੀਰ ਸਿਹਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਲਈ ਅਸਲੀ ਲਾਲ ਮਿਰਚ ਪਾਊਡਰ ਦੀ ਪਛਾਣ ਕਰਨਾ ਜ਼ਰੂਰੀ ਹੈ।FSSAI ਦੇ ਮੁਤਾਬਕ, ਮਿਲਾਵਟੀ ਲਾਲ ਮਿਰਚ ਪਾਊਡਰ ਵਿੱਚ ਪੀਸੀ ਹੋਈ ਇੱਟ, ਨਕਲੀ ਰੰਗ, ਰੇਤ, ...