ਫਾਜ਼ਿਲਕਾ 2 ਅਕਤੂਬਰ 2025… ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਕਾਰਜਸਾਧਕ ਅਫਸਰ ਸ਼੍ਰੀ ਬਲਵਿੰਦਰ ਸਿੰਘ ਦੀ ਅਗਵਾਈ ਵਿੱਚ 17 ਸਤੰਬਰ 2025 ਤੋਂ 2 ਅਕਤੂਬਰ 2025 ਤੱਕ ਦੀ ਚੱਲ ਰਹੀ ਸਵੱਛਤਾ ਹੀ ਸੇਵਾ (ਸਵੱਛ ਉਤਸਵ) ਲੜੀ ਦਾ ਸਮਾਪਤੀ ਸਮਾਰੋਹ ਪ੍ਰੋਗਰਾਮ ਇੰਚਾਰਜ ਸ਼੍ਰੀ ਅਮਨਦੀਪ ਦੇ ਸਹਿਯੋਗ ਨਾਲ ਕੀਤਾ ਗਿਆ! ਇਸ ਦੌਰਾਨ ਨਗਰ ਕੌਂਸਲ ਜਲਾਲਾਬਾਦ ਦੇ ਮੀਟਿੰਗ ਹਾਲ ਵਿਖੇ ਨਗਰ ਕੌਂਸਲ ਜਲਾਲਾਬਾਦ, ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਜਲਾਲਾਬਾਦ ਵੱਲੋਂ ਸਰਕਾਰੀ ਹਸਪਤਾਲ ਜਲਾਲਾਬਾਦ ਦੇ ਮਾਹਿਰ ਡਾਕਟਰਾਂ ਦੀ ਟੀਮ ਨਾਲ ਮਿਲ ਕੇ ਸੈਨੀਟੇਸ਼ਨ ਵਰਕਰਾਂ ਦੀ ਸਿਹਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਕ ਮੈਡੀਕਲ ਕੈਂਪ ਦਾ ਆਯੋਜਨ ਕੀਤਾ ਗਿਆ, ਇਸ ਕੈਂਪ ਦੌਰਾਨ ਸਰਕਾਰੀ ਹਸਪਤਾਲ ਜਲਾਲਾਬਾਦ ਤੋਂ ਮਾਹਿਰ ਡਾਕਟਰਾਂ ਦੀ ਇਕ ਟੀਮ ਨੇ ਸੈਨੀਟੇਸ਼ਨ ਵਰਕਰਾਂ ਦੀਆਂ ਬਿਮਾਰੀਆਂ ਦੇ ਇਲਾਜ ਸਬੰਧੀ ਮੁਫ਼ਤ ਸਿਹਤ ਚੈੱਕਅਪ, ਮੁਫਤ ਦਵਾਈਆਂ ਅਤੇ ਬਲੱਡ ਸੈਂਪਲ ਲਏ ਗਏ!
ਇਸ ਸਮਾਪਤੀ ਸਮਾਰੋਹ ਵਿਚ ਹਾਜ਼ਰ ਡਾ: ਯੋਗਤਾ ਬਜਾਜ ਮੈਡੀਕਲ ਅਫਸਰ, ਕਿਸ਼ਨਦੀਪ ਪੀ.ਓ, ਆਦੇਸ਼ ਕੰਬੋਜ ਐਲ.ਐਮ.ਟੀ, ਛਿੰਦਰਪਾਲ ਸਿੰਘ, ਅਮਨਦੀਪ ਕੰਬੋਜ ਬੀ.ਆਰ.ਸੀ, ਪਰਮਿੰਦਰ ਕੌਰ ਬੀ.ਆਰ.ਸੀ ਜਲ ਸਪਲਾਈ ਵਿਭਾਗ, ਅਮਨਦੀਪ, ਸੀ.ਐਫ ਨਗਰ ਕੌਂਸਲ, ਅਵਿਨਾਸ਼ ਸਿੰਘ ਸੁਪਰਵਾਈਜ਼ਰ, ਸਚਿਨ ਧਵਨ ਡਾਟਾ ਐਂਟਰੀ ਓਪਰੇਟਰ ਅਤੇ ਸੰਦੀਪ ਛਾਬੜਾ ਕਲਰਕ ਆਦਿ ਹਾਜ਼ਰ ਸਨ।