ਬਰੈਂਪਟਨ : ਜਗਤ ਪੰਜਾਬੀ ਸਭਾ, ਓਨਟਾਰੀਓ ਫ਼ਰੈਂਡ ਕਲੱਬ ਤੇ ਪਬਪਾ ਵਲੋਂ ਕਰਵਾਈ 11ਵੀ ਵਰਲਡ ਪੰਜਾਬੀ ਕਾਨਫਰੰਸ 27, 28 ਤੇ 29 ਜੂਨ 2025, ਨੂੰ ਬਹੁਤ ਕਾਮਯਾਬ ਰਹੀ I ਖਾਲਸਾ ਸਕੂਲ ਦੇ ਬੱਚਿਆਂ ਨੇ ਧਾਰਮਿਕ ਸ਼ਬਦ ਗਾਇਨ ਕੀਤਾ I ” ਓ ਕਨੇਡਾ ” ਰਾਸ਼ਟਰੀ ਸ਼ਬਦ ਗਾਇਣ ਹੋਇਆ I ਇਸ ਕਾਨਫਰੰਸ ਦਾ ਉਦਘਾਟਨ ਸੰਤ ਬਲਬੀਰ ਸਿੰਘ ਸੀਂਚੇਵਾਲ ਜੀ ਨੇ ਆਪਣੇ ਕਰ ਕਮਲਾ ਨਾਲ ਰਿਬਨ ਕੱਟ ਕੇ ਕੀਤਾ I ਸਮਾਂ ਰੋਸ਼ਨ ਕਰਨ ਦੀ ਰਸਮ : ਹਰਕੀਰਤ ਸਿੰਘ ਡਿਪਟੀ ਮੇਅਰ ਬਰੈਂਪਟਨ, ਮੈਟ ਮਹੋਨੀ, ਡਿਪਟੀ ਮੇਅਰ ਮਿਸੀਸਾਗਾ, ਅਮਨਦੀਪ ਸੋਢੀ ਐਮ. ਪੀ, ਅਮਰਜੀਤ ਸਿੰਘ ਗਿੱਲ , ਐਮ ਪੀ, ਅਮਨਜੋਤ ਸਿੰਘ ਸੰਧੂ, ਐਮ. ਪੀ. ਪੀ., ਪਾਲ ਵਿਨੇਤੀ , ਸਿਟੀ ਕੋਂਸਲਰ, ਮਨਿੰਦਰ ਸਿੰਘ ਸਿੱਧੂ, ਮਨਿਸਟਰ ਕਨੇਡਾ ਸਰਕਾਰ , ਸੋਨੀਆ ਸਿੱਧੂ ਐਮ. ਪੀ , ਸੂ ਮਕਫੈਡਨ, ਸਿਟੀ ਕੋਂਸਲਰ, ਨੈਟਲੀ ਹਾਰਟ, ਸਿਟੀ ਕੋਂਸਲਰ, ਨਵਜੀਤ ਬਰਾੜ ਕੋਂਸਲਰ ਆਦਿ ਨੇ ਕੀਤੀ I ਜਗਤ ਪੰਜਾਬੀ ਸਭਾ ਵਲੋਂ ਹਰਕੀਰਤ ਸਿੰਘ ਡਿਪਟੀ ਮੇਅਰ ਨੂੰ ਪੰਜਾਬੀ ਨਾਇਕ ਐਲਾਨਿਆ ਗਿਆ ਤੇ ਸਨਮਾਨਿਤ ਕੀਤਾ ਗਿਆ I ਸਾਰੇ ਨੇਤਾਵਾਂ ਨੇ ਕਾਨਫਰੰਸ ਦਾ ਪ੍ਰਬੰਧ ਕਰਨ ਲਈ ਅਜੈਬ ਸਿੰਘ ਚੱਠਾ ਅਤੇ ਸਾਰੀ ਟੀਮ ਨੂੰ ਮੁਬਾਰਕਬਾਦ ਦਿਤੀ । ਜਗਤ ਪੰਜਾਬੀ ਸਭਾ ਵਲੋਂ ਪਹਿਲਾਂ ਕਰਵਾਈਆਂ 10 ਕਾਨਫਰੰਸਾਂ ਬਾਰੇ ਡਾਕੂਮੈਂਟਰੀ ਦਿਖਾਈ ਗਈ I ਪਹਿਲੇ ਸੈਸ਼ਨ ਦਾ ਸੰਚਾਲਨ ਸਰਦਾਰ ਸਰਦੂਲ ਸਿੰਘ ਥਿਆੜਾ ਨੇ ਕੀਤਾ I
ਦੂਜੇ ਅਕਾਦਮਿਕ ਸੈਸ਼ਨ ਵਿਚ ਡਾ.ਮਨਪ੍ਰੀਤ ਕੌਰ ਵਲੋਂ ਮੁਖਸੁਰ ਭਾਸ਼ਣ ” ਪੰਜਾਬੀ ਭਾਸ਼ਾ ਦਾ ਵਰਤਮਾਨ ” ਬਾਰੇ ਦਿੱਤਾ ਗਿਆ ਅਤੇ ਪਿਆਰਾ ਸਿੰਘ ਕੁਦੋਵਾਲ ਵਲੋਂ ਮੁਖਸੁਰ ਭਾਸ਼ਣ ” ਗਦਰੀ ਯੋਧਿਆਂ ਦਾ ਅਜ਼ਾਦੀ ਵਿਚ ਯੋਗਦਾਨ ” ਬਾਰੇ ਭਾਸ਼ਣ ਦਿੱਤਾ ਗਿਆ I ਇਹਨਾਂ ਹੀ ਵਿਸ਼ਿਆਂ ਉਪਰ ਡਾ. ਸਾਇਮਾ ਬਤੂਲ ਅਤੇ ਡਾ. ਸਤਿੰਦਰ ਕੌਰ ਕਾਹਲੋਂ ਵਲੋਂ ਤਿਆਰ ਕੀਤੀਆਂ ਡਾਕੂਮੈਂਟਰੀਆ ਦਿਖਾਈਆਂ ਗਈਆ I ਇਸ ਦੂਜੇ ਸੈਸਨ ਦਾ ਸੰਚਾਲਨ ਸੰਤੋਖ਼ ਸਿੰਘ ਸੰਧੂ ਨੇ ਕੀਤਾ I
28 ਜੂਨ ਨੂੰ ਤੀਸਰੇ ਅਕਾਦਮਿਕ ਸੈਸ਼ਨ ਦਾ ਸੰਚਾਲਨ ਰਵਿੰਦਰ ਸਿੰਘ ਨੇ ਕੀਤਾ I ਇਸ ਸੈਸ਼ਨ ਦੀ ਪ੍ਰਧਾਨਗੀ ਡਾ.ਅਰਵਿੰਦਰ ਸਿੰਘ ਢਿੱਲੋਂ , ਮੀਤ ਪ੍ਰਧਾਨ ਪੰਜਾਬ ਸਾਹਿਤ ਅਕਾਦਮੀ ਨੇ ਕੀਤੀ I ਇਸ ਸੈਸ਼ਨ ਦੇ ਬੁਲਾਰੇ , ਹਰਵਿੰਦਰ ਸਿੰਘ ਖਾਲਸਾ , ਕੁਲਦੀਪ ਸਿੰਘ ਢੀਂਡਸਾ , ਡਾਕਟਰ ਹਰਵਿੰਦਰ ਕੌਰ , ਡਾ. ਸੁਖਵਿੰਦਰ ਸਿੰਘ ਅਰੋੜਾ ਸਨ। ਇਸ ਸੈਸ਼ਨ ਵਿਚ ਵਿਦਵਾਨਾਂ ਨੇ ਪੰਜਾਬੀ ਭਾਸ਼ਾ ਦੇ ਵਰਤਮਾਨ ਬਾਰੇ ਵਿਚਾਰ ਦਿਤੇ I ਸਰੋਤਿਆਂ ਵਲੋਂ ਕਾਨਫਰੰਸਾਂ ਬਾਰੇ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਡਾ. ਅਰਵਿੰਦਰ ਸਿੰਘ ਨੇ ਦਿੱਤੇ I
ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਚੌਥੇ ਅਕਾਦਮਿਕ ਸੈਸ਼ਨ ਦਾ ਸੰਚਾਲਨ, ਡਾ. ਰਮਨੀ ਬਤਰਾ ਨੇ ਕੀਤਾ, ਜਿਸ ਵਿਚ ਵਿਦਵਾਨਾਂ ਦੁਆਰਾ “ ਗਦਰੀ ਯੋਧਿਆਂ ਦਾ ਅਜ਼ਾਦੀ ਵਿਚ ਯੋਗਦਾਨ ” ਉਪਰ ਖੋਜ ਪੱਤਰ ਪੜ੍ਹੇ ਗਏ I ਕਵੀ ਦਰਬਾਰ ਦਾ ਸੰਚਾਲਨ ਹਲੀਮਾ ਸਾਦੀਆ ਵੱਲੋਂ ਕੀਤਾ ਗਿਆ। ਜਿਸ ਵਿੱਚ ਬਹੁਤ ਸਾਰੇ ਕਵੀਆਂ ਨੇ ਹਿੱਸਾ ਲਿਆ ਅਤੇ ਆਪਣੀਆਂ ਕਵਿਤਾਵਾਂ ਸਰੋਤਿਆਂ ਦੇ ਰੂਬਰੂ ਕੀਤੀਆਂ। ਇਹਨਾਂ ਕਵੀਆਂ ਵਿੱਚ ਕਰਨ ਅਜੈਬ ਸੰਘਾ, ਸੁਰਿੰਦਰ ਸੂਰ, ਸੁਜਾਨ ਸਿੰਘ, ਜਸਪਾਲ ਸਿੰਘ ਦਸੂਹੀ, ਮਹਿੰਦਰ ਪ੍ਰਤਾਪ, ਗੁਰਮੇਲ ਸਿੰਘ ਢਿੱਲੋ, ਗਿਆਨ ਸਿੰਘ ਘਈ, ਬਲਜੀਤ ਕੌਰ ਝੂਟੀ, ਡਾ. ਹਰਮਿੰਦਰ ਕੌਰ, ਪਿਆਰਾ ਸਿੰਘ ਕੁੱਦੋਵਾਲ, ਸਲੀਮ ਪਾਸ਼ਾ, ਡਾ. ਵਸੀਮ ਗੁਰਦੇਜੀ, ਪ੍ਰੋ. ਬਲਵਿੰਦਰ ਕੌਰ, ਸੁਖਜੀਤ ਚੀਮਾ, ਮਨਜੋਤ ਕੌਰ ਸਨ।
29 ਜੂਨ 2025 ਅਖੀਰਲੇ ਦਿਨ ਦੇ ਅਕਾਦਮਿਕ ਸੈਸ਼ਨ ਦਾ ਸੰਚਾਲਨ ਦਲਜੀਤ ਕੌਰ ਸੰਧੂ ਨੇ ਕੀਤਾ। ਜਿਸ ਵਿੱਚ ਬਹੁਤ ਸਾਰੇ ਵਿਦਵਾਨਾਂ ਨੇ ਪੰਜਾਬੀ ਭਾਸ਼ਾ ਅਤੇ ਗਦਰੀ ਯੋਧਿਆਂ ਬਾਰੇ ਆਪਣੇ ਖੋਜ ਪੇਪਰ ਪੜੇ, ਜਿਨ੍ਹਾਂ ਵਿੱਚ ਰਵਿੰਦਰ ਕੌਰ ਰੰਧਾਵਾ, ਪ੍ਰਭਜੋਤ ਕੌਰ, ਸੁਖਜੀਤ ਕੌਰ, ਹਕੂਮਤ ਸਿੰਘ ਮੱਲੀ, ਸੰਤੋਖ ਜੱਸੀ, ਰਾਣਾ ਸੋਢੀ, ਮਹਿੰਦਰ ਸਿੰਘ ਕੈਂਥ, ਗੁਰਦਰਸ਼ਨ ਸਿੰਘ ਸ਼ੀਰਾ ਦੇ ਨਾਮ ਜ਼ਿਕਰਯੋਗ ਹਨ। ਇਸ ਕਾਨਫਰੰਸ ਵਿੱਚ ਦੋ ਕਿਤਾਬਾਂ ਰਿਲੀਜ਼ ਕੀਤੀਆਂ ਗਈਆਂ । ਜਿਨ੍ਹਾਂ ਵਿੱਚੋਂ ਇੱਕ ਕਿਤਾਬ ਜਸ ਗੁਰੀ ਦੀ ਲਿਖੀ ਹੋਈ ਸੀ ਅਤੇ ਦੂਸਰੀ ਕਿਤਾਬ “ ਜੀਓ ਖੂਬਸੂਰਤ ਜ਼ਿੰਦਗੀ ” ਅਜੈਬ ਸਿੰਘ ਚੱਠਾ ਅਤੇ ਭੁਪਿੰਦਰ ਸਿੰਘ ਭਾਈਖੇਲ ਦੁਆਰਾ ਸੰਪਾਦਿਤ ਕੀਤੀ ਗਈ ਸੀ। ਅਗਲੇ ਅਕਾਦਮਿਕ ਸੈਸ਼ਨ ਦਾ ਸੰਚਾਲਨ ਅਮਨਦੀਪ ਕੌਰ ਗਿੱਲ ਨੇ ਕੀਤਾ। ਇਸ ਸੈਸ਼ਨ ਵਿੱਚ ਵਿਦਵਾਨਾਂ ਨੇ “ ਗਦਰੀ ਯੋਧਿਆਂ ਅਤੇ ਪੰਜਾਬੀ ਭਾਸ਼ਾ ” ਬਾਰੇ ਆਪਣੇ ਖੋਜ ਪੱਤਰ ਪੜੇ। ਜਿਨ੍ਹਾਂ ਵਿੱਚ ਡਾ.ਤਰਸੇਮ ਸਿੰਘ ਭਿੰਡਰ, ਰਸ਼ਪਾਲ ਸਿੰਘ ਕੁਨਰ, ਡਾ. ਸੁਖਦੇਵ ਸਿੰਘ ਰੰਧਾਵਾ ਅਤੇ ਡਾ. ਲਖਵਿੰਦਰ ਸਿੰਘ ਗਿੱਲ ਸ਼ਾਮਿਲ ਸਨ।
ਈਸਟ ਵੁਡ ਸੀ. ਬੀ. ਦੇ ਡਿਵੈਲਪਰ ਵੱਲੋਂ ਸੁਰਜੀਤ ਪਾਤਰ ਅਵਾਰਡ ਅਤੇ ਅਮ੍ਰਿਤਾ ਪ੍ਰੀਤਮ ਅਵਾਰਡ ਦਿੱਤੇ ਗਏ। ਇਹ ਅਵਾਰਡ ਸੰਤ ਬਲਵੀਰ ਸਿੰਘ ਸੀਚੇਵਾਲ ਅਤੇ ਨਿਰਮਲ ਰਿਸ਼ੀ ਫਿਲਮੀ ਅਦਾਕਾਰਾਂ ਨੂੰ ਦਿੱਤੇ ਗਏ I ਜਿਨ੍ਹਾਂ ਵਿੱਚ ਸਨਮਾਨ ਤੋਂ ਬਿਨਾਂ ਨਗਦ ਰਾਸ਼ੀ ਵੀ ਸ਼ਾਮਿਲ ਸੀ।
ਬਾਬਾ ਹਰਨਾਮ ਸਿੰਘ , ਬਾਬਾ ਧੰਨਾ ਸਿੰਘ, ਬਾਬਾ ਗੁਰਦਿੱਤ ਸਿੰਘ ਅਤੇ ਸ਼ਹੀਦ ਭਗਤ ਸਿੰਘ ਦੇ ਪਰਿਵਾਰਕ ਮੈਂਬਰਾਂ ਵੱਲੋਂ ਵਿਸ਼ੇਸ਼ ਤੋਰ ਤੇ ਹਾਜ਼ਰੀ ਭਰੀ ਗਈ ਅਤੇ ਉਨ੍ਹਾਂ ਦਾ ਸਨਮਾਨ ਕੀਤਾ ਗਿਆ।
ਅਖੀਰਲੇ ਸੈਸ਼ਨ ਵਿੱਚ ਡਾ. ਮਨਪ੍ਰੀਤ ਕੌਰ ਨੇ ਛੇ ਮਤੇ ਪੜ੍ਹੇ, ਜੋ ਸਰਬ ਸੰਪਤੀ ਨਾਲ ਪਾਸ ਹੋਏ ਅਤੇ ਡਾ. ਅਰਵਿੰਦਰ ਸਿੰਘ ਢਿੱਲੋ ਨੇ ਕਾਨਫਰੰਸ ਦੀ ਰਿਪੋਰਟ ਪੜ੍ਹੀ। ਇਸ ਸੈਸ਼ਨ ਦਾ ਸੰਚਾਲਨ ਅਜੈਬ ਸਿੰਘ ਚੱਠਾ ਚੇਅਰਮੈਨ ਕਾਨਫਰੰਸ ਨੇ ਕੀਤਾ। ਇਸ ਸੈਸ਼ਨ ਦੇ ਮੁੱਖ ਮਹਿਮਾਨ, ਗਰੀਸ ਜਨੇਜਾ, ਕੌਂਸਲ ( ਵੇਲਫ਼ਰ ) ਕੌਂਸਲੇਟ ਜਨਰਲ ਆਫ ਇੰਡੀਆ ਟੋਰੋਂਟੋ ਸਨ। ਇਸ ਸੈਸ਼ਨ ਵਿੱਚ ਯੁੱਧਵੀਰ ਜਸਵਾਲ ਅਤੇ ਰਜਿੰਦਰ ਸਿੰਘ ਸੈਣੀ ਨੇ ਆਪਣੇ ਵਿਚਾਰ ਦਿੱਤੇ। ਮੁੱਖ ਮਹਿਮਾਨ ਵੱਲੋਂ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ। ਮੁੱਖ ਮਹਿਮਾਨ ਵੱਲੋਂ ਮਹਿਮਾਨਾਂ ਅਤੇ ਪ੍ਰਬੰਧਕਾਂ ਨੂੰ ਸਨਮਾਨ ਪੱਤਰ ਦਿੱਤੇ ਗਏ। ਸਰਦੂਲ ਸਿੰਘ ਥਿਆੜਾ ਨੂੰ “ ਮੈਨ ਆਫ ਦਾ ਕਾਨਫਰੰਸ ” ਐਲਾਨਿਆ ਗਿਆ ਤੇ ਐਵਾਰਡ ਦਿਤਾ ਗਿਆ I
ਆਏ ਹੋਏ ਸਾਰੇ ਮਹਿਮਾਨਾਂ ਦੀ ਇੱਕ ਗਰੁੱਪ ਫੋਟੋ ਹੋਈ। ਪ੍ਰਿੰਸੀਪਲ ਸਤਵੰਤ ਕੌਰ ਨੇ ਪੰਜਾਬੀ ਸੱਭਿਆਚਾਰ ਨਾਲ ਸਬੰਧਤ ਬਹੁਤ ਹੀ ਵਧੀਆ ਗਾਣਾ ਗਾਇਆ। ਇਸ ਉਪਰੰਤ ਕਲਚਰ ਪ੍ਰੋਗਰਾਮ ਵੀ ਹੋਇਆ ਅਤੇ ਰਾਤ ਨੂੰ ਖਾਣੇ ਦਾ ਬਹੁਤ ਵਧੀਆ ਪ੍ਰਬੰਧ ਕੀਤਾ ਗਿਆ। ਕਾਂਨਫਰੰਸ ਵਿੱਚ ਆਏ ਸਾਰੇ ਹੀ ਮਹਿਮਾਨ ਖਾਣਾ ਖਾ ਕੇ ਖੁਸ਼ੀ ਖੁਸ਼ੀ ਆਪਣੇ ਘਰਾਂ ਨੂੰ ਪਰਤੇ।