( ਪੀੜਾਂ )
ਆਹ ਪੀੜਾਂ !
ਪੀੜਾਂ ਹੀ ਪੀੜਾਂ !!
ਕੀ ਰਿਸ਼ਤਾ ਹੈ ਤੁਹਾਡਾ ਮੇਰੇ ਨਾਲ !
ਹਰ ਵੇਲੇ ਮੇਰੇ ਨਾਲ ਹੀ ਰਹਿੰਦੀਆਂ ਨੇ !!
ਸੌਂਦੀ ਹਾਂ ਜਾਗਦੀ ਹਾਂ !
ਉੱਠਦੀ ਹਾਂ ਬੈਠਦੀ ਹਾਂ !!
ਤੁਸੀਂ ਹਰ ਵੇਲੇ ਮੇਰੇ ਨਾਲ ਰਹਿੰਦੀਆਂ ਹੋ !!!
ਕੋਈ ਰੁੱਸ ਜਾਵੇ ਕੋਈ ਛੱਡ ਜਾਏ !
ਤੁਸੀਂ ਮੈਨੂੰ ਆ ਘੇਰਦੀਆਂ ਹੋ !!
ਕੋਈ ਬੋਲ ਕਬੋਲ ਬੋਲੇ ਕੋਈ ਝਿੜਕਾਂ ਮਾਰੇ !
ਪੀੜਾਂ ਫਿਰ ਆ ਗਲ਼ਵੱਕੜੀ ਪਾ ਲੈਂਦੀਆਂ ਨੇ !!
ਕੋਈ ਦੁੱਖੀ ਹੋਵੇ ਕੋਈ ਬੀਮਾਰ ਹੋਵੇ !
ਕੋਈ ਦਾਜ ਦੀ ਬਲੀ ਚੜ੍ਹ ਜਾਵੇ !!
ਕਿਤੇ ਅਬਲਾ ਦੀ ਪੱਤ ਲੁੱਟੀ ਜਾਵੇ !!
ਕੋਈ ਨਸ਼ਿਆਂ ਵਿੱਚ ਜਾਨ ਗਵਾਏ !!
ਕੋਈ ਕਰਜ਼ੇ ਨਾਲ ਮਰ ਜਾਏ !!
ਤੁਸੀਂ ਫਿਰ ਮੇਰੇ ਕੋਲ ਭੱਜ ਆਂਉਂਦੀਆਂ ਹੋ !!!
ਬੱਸ ਕਰੋ ਹੁਣ ਬਹੁਤ ਹੋ ਗਿਆ !
ਕਦੀ ਤੇ ਮੈਨੂੰ ਇੱਕਲਾ ਛੱਡ ਦੇਵੋ !!
ਛੱਡ ਦਿਉ ਹੁਣ ਮੇਰਾ ਦਾਮਨ !
ਮੁਕਤ ਕਰ ਦਿਉ ਹੁਣ ਮੈਨੂੰ !!
ਤੁਸੀਂ ਮੈਨੂੰ ਵਿੰਨ ਛੱਡਿਆ ਹੈ !
ਕੁਝ ਪੱਲ ਖ਼ੁਸ਼ੀ ਨਾਲ ਜੀਉਣ ਦੇਵੋ !!
ਤੁਹਾਨੂੰ ਸਮੇਟਣ ਦੀ ਹੁਣ !
ਮੇਰੇ ਵਿੱਚ ਸਮੱਰਥਾ ਨਹੀਂ ਰਹੀ !!
( ਰਮਿੰਦਰ ਰਮੀ )