best platform for news and views

ਲਹਿੰਦੇ ਪੰਜਾਬ ਦੇ ਕਵੀ ਦਰਬਾਰ ਦਾ ਆਯੋਜਨ ਕਾਮਯਾਬ ਰਿਹਾ

Please Click here for Share This News


ਪੰਜਾਬ ਸਾਹਿਬ ਅਕਾਡਮੀ ਚੰਡੀਗੜ੍ਹ ਦੇ ਪ੍ਰਧਾਨ ਡਾਕਟਰ ਸਰਬਜੀਤ ਕੌਰ ਸੋਹਲ ਜੀ ਵੱਲੋਂ ਲਹਿੰਦੇ ਪੰਜਾਬ ਦੇ ਕਵੀਆਂ ਦਾ ਕਵੀ ਦਰਬਾਰ ਆਯੋਜਿਤ ਕੀਤਾ ਗਿਆ । ਡਾ : ਸਰਬਜੀਤ ਕੌਰ ਸੋਹਲ ਜੀ ਦਾ ਵਿਚਾਰ ਹੈ ਕਿ ਇਸ ਵੈਬੀਨਾਰ ਵਿੱਚ ਆਪਣਿਆਂ ਦੀ ਗੱਲ ਕਰੀਏ ਤੇ ਆਪਣਿਆਂ ਦੀ ਗੱਲ ਸੁਣੀਏ । ਇਕ ਦੂਸਰੇ ਨਾਲ ਮੁੱਹਬਤੀ ਸਾਂਝ ਪਾਈਏ । ਬਹੁਤ ਹੀ ਨਿਵੇਕਲਾ ਤੇ ਸ਼ਲਾਘਾਯੋਗ ਉਪਰਾਲਾ ਹੈ । 17 ਜੁਲਾਈ ਨੂੰ ਹੋਏ ਇਸ ਵੈਬੀਨਾਰ ਵਿੱਚ ਦੇਸ਼ਾਂ ਵਿਦੇਸ਼ਾਂ ਤੋਂ ਨਾਮਵਰ ਸ਼ਖ਼ਸੀਅਤਾਂ , ਸਾਹਿਤਕਾਰਾਂ ਤੇ ਬੁੱਧੀ-ਜੀਵੀਆਂ ਨੇ ਬਹੁ ਗਿਣਤੀ ਵਿੱਚ ਸ਼ਿਰਕਤ ਕੀਤੀ । ਅੱਜ ਦੇ ਇਸ ਵੈਬੀਨਾਰ ਦੇ ਕੋ – ਆਰਡੀਨੇਟਰ ਅਰਵਿੰਦਰ ਢਿੱਲੋਂ ਸੀ । ਇਹਨਾਂ ਦਾ ਬੋਲਣ ਦਾ ਅੰਦਾਜ਼ ਤੇ ਕੰਮ ਕਰਨ ਦਾ ਤਰੀਕਾ ਕਾਬਿਲੇ ਤਾਰੀਫ਼ ਹੈ । ਇਸ ਵੈਬੀਨਾਰ ਦੇ ਮੁੱਖ ਮਹਿਮਾਨ ਡਾ : ਸਲੀਮ ਮਜ਼ਹਰ ਪਰੋ ਵਾਈਸ ਚਾਂਸਲਰ ਪੰਜਾਬ ਯੂਨੀਵਰਸਿਟੀ ਲਾਹੌਰ ਸਨ । ਡਾ : ਇਕਬਾਲ ਸ਼ਾਹਿਦ ਡੀਨ ਪੰਜਾਬ ਯੂਨੀਵਰਸਿਟੀ ਲਾਹੌਰ ਤੇ ਸ : ਅਜੈਬ ਸਿੰਘ ਚੱਠਾ ਚੇਅਰਮੈਨ ਜਗਤ ਪੰਜਾਬੀ ਸਭਾ ਤੇ ਵਰਲਡ ਪੰਜਾਬੀ ਕਾਨਫ਼ਰੰਸ ਵਿਸ਼ੇਸ਼ ਮਹਿਮਾਨ ਸਨ । ਡਾ : ਸਤੀਸ਼ ਕੁਮਾਰ ਵਰਮਾ ਸਕੱਤਰ ਪੰਜਾਬ ਸਾਹਿਤ ਨੇ ਸਵਾਗਤ ਕਰਤਾ ਸੀ , ਉਹਨਾਂ ਨੇ ਵੈਬੀਨਾਰ ਵਿੱਚ ਹਾਜ਼ਰੀਨ ਮੈਂਬਰਜ਼ ਨੂੰ ਨਿੱਘਾ ਜੀ ਆਇਆ ਕਿਹਾ । ਲਹਿੰਦੇ ਪੰਜਾਬ ਦੇ ਹੋਰ ਕਵੀਆਂ ਵਿੱਚ ਡਾ : ਸਾਇਮਾ ਬੈਤੂਲ , ਅਲੀ ਅਹਿਮਦ ਗੁਜਰਾਤੀ , ਡਾ : ਅਨਵਰ ਅਹਿਮਦ ਇਜਾਜ , ਸਾਮੀਨਾ ਆਸਮਾ , ਡਾ : ਰਾਣਾ ਅਕਰਮ ਮੁਹੰਮਦ ਸ਼ਾਹਿਦ ਸਨ । ਵੈਬੀਨਾਰ ਦੀ ਪ੍ਰਧਾਨਗੀ ਡਾ : ਸਰਬਜੀਤ ਕੌਰ ਸੋਹਲ ਜੀ ਨੇ ਕੀਤੀ । ਡਾ : ਸਰਬਜੀਤ ਕੌਰ ਸੋਹਲ ਜੀ ਨੇ ਮੀਟਿੰਗ ਦੀ ਸ਼ੁਰੂਆਤ ਆਪਣੀ ਨਜ਼ਮ ( ਮਾਸੂਮ ਰਿਸ਼ਤਾ ) ਸੁਣਾ ਕੇ ਕੀਤੀ , ਜਿਸ ਵਿੱਚ ਉਹਨਾਂ ਬਹੁਤ ਡੂੰਘੇ ਅਹਿਸਾਸ ਲਹਿੰਦੇ ਤੇ ਚੜ੍ਹਦੇ ਪੰਜਾਬ ਨੂੰ ਲੈ ਕੇ ਪਰੋਏ ਹਨ । ਅਰਵਿੰਦਰ ਸਿੰਘ ਢਿੱਲੋਂ ਨੇ ਲਹਿੰਦੇ ਪੰਜਾਬ ਦੇ ਨਾਮਵਰ ਕਵੀਆਂ ਨੂੰ ਵਾਰੀ ਨਾਲ ਆਪਣੀ ਰਚਨਾ ਪੇਸ਼ ਕਰਨ ਲਈ ਕਿਹਾ । ਹੋਸਟ ਅਰਵਿੰਦਰ ਢਿੱਲੋਂ ਹਰ ਕਵੀ ਦੇ ਬਾਰੇ ਵਿੱਚ ਪਹਿਲਾਂ ਉਹਨਾਂ ਦੀ ਇੰਟਰੋਡਕਸ਼ਨ ਦਿੰਦੇ ਸਨ । ਸੱਭ ਤੋਂ ਪਹਿਲਾਂ ਉਹਨਾਂ ਨੇ ਡਾ : ਅਨਵਰ ਅਹਿਮਦ ਇਜਾਜ ਨੂੰ ਆਪਣੀ ਰਚਨਾ ਪੇਸ਼ ਕਰਨ ਲਈ ਕਿਹਾ । ਉਹਨਾਂ ਦਰਦਾਂ ਭਰੀ ਝਨਾਂਅ ਵਿੱਚੋਂ ਆਪਣੀ ਨਜ਼ਮ ਸੁਣਾਈ । ਡਾ : ਅਨਵਰ ਛੋਟੀ ਨਜ਼ਮ ਦੇ ਸ਼ਾਇਰ ਨੇ । ਉਹਨਾਂ ਮਿਰਜ਼ਾ ਸਾਹਿਬ ਤੇ ਆਪਣੀ ਰਚਨਾ ਸੁਣਾਈ ਜੋਕਿ ਬਾਕਮਾਲ ਸੀ । ਫਿਰ ਅਲੀ ਅਹਿਮਦ ਗੁਜਰਾਤੀ ਨੂੰ ਆਪਣੀ ਰਚਨਾ ਪੇਸ਼ ਕਰਨ ਲਈ ਕਿਹਾ ਜੋ ਕਿ ( ਦਿਲ ਦਰਿਆ ਸੰਸਥਾ ਨਾਲ ਜੁੜੇ ਹੋਏ ਹਨ ਤੇ ਬਹੁਤ ਕੰਮ ਕਰ ਰਹੇ ਹਨ ) ਇਹਨਾਂ ਨੇ ( ਤੱਕ ਮੇਰਾ ਪੰਜਾਬ ਨੀ ਅੜੀਏ ) ਸੁਣਾ ਕੇ ਸੱਭ ਨੂੰ ਮੰਤਰ ਮੁੱਗਧ ਕਰ ਦਿੱਤਾ । ਸਮੀਨਾ ਅਸਮਾ ਨੇ ( ਸ਼ਾਹ ਹੂਸੈਨ ਦੀ ਵੇਲ ) ਵਿੱਚੋਂ ਆਪਣੀ ਕਵਿਤਾ ( ਇਹ ਅਵਾਜ਼ਾਂ ਕਹੀਆਂ ਨੇ , ਬੰਦ ਦਰਵਾਜ਼ਾ ਖੁੱਲ ਨਹੀਂ ਹੁੰਦਾ ) ਬਹੁਤ ਖ਼ੂਬਸੂਰਤ ਅੰਦਾਜ਼ ਵਿੱਚ ਪੇਸ਼ ਕੀਤੀ । ਡਾ : ਰਾਣਾ ਅਕਰਮ ਮੁਹੰਮਦ ਸ਼ਾਹਿਦ ਜੋ ਕਿ ( ਦਿਲ ਦਰਿਆ ) ਸੰਸਥਾ ਦੇ ਜਨਰਲ ਸਕੱਤਰ ਨੇ ਆਪਣੀ ਨਜ਼ਮ ਪੇਸ਼ ਕੀਤੀ । ਡਾ : ਸਾਇਮਾ ਬੈਤੂਲ ਜੀ ਨੇ ਬਹੁਤ ਹੀ ਭਾਵੁਕ ਕਵਿਤਾ ( ਰੱਬ ਦੀ ਮਿਹਰ ਬੜੀ ਨੀ ਮਾਏ , ਯਾਦ ਪਿਟਾਰੀ ਖੋਲਾਂ ਜੱਦ ਵੀ , ਹੰਝੂਆਂ ਦੀ ਵਗੇ ਨਹਿਰ ਨੀ ਮਾਏ ) ਪੇਸ਼ ਕੀਤੀ । ਡਾ : ਇਕਬਾਲ ਮੁਹੰਮਦ ਸ਼ਾਹਿਦ ਜੀ ਨਾਮਵਰ ਲੇਖਕ , ਚਿੰਤਕ ਤੇ ਸ਼ਾਇਰ ਹਨ , ਉਹਨਾਂ ( ਬੋਲ ਬੋਲ ਪੰਜਾਬੀ ਦਿਲ ਦਾ ਬੂਹਾ ਖੋਲ ਪੰਜਾਬੀ ) ਨਜ਼ਮ ਸੁਣਾਈ । ਅਰਵਿੰਦਰ ਢਿੱਲੋਂ ਨੇ ਡਾ : ਸਲੀਮ ਮਜ਼ਹਰ ਦੇ ਬਾਰੇ ਵਿੱਚ ਜਾਣਕਾਰੀ ਸਾਂਝੀ ਕੀਤੀ । ਚੇਅਰਮੈਨ ਸ : ਅਜੈਬ ਸਿੰਘ ਚੱਠਾ ਜੀ ਨੇ ਡਾ : ਸਰਬਜੀਤ ਕੌਰ ਜੀ ਦੇ ਇਹਨਾਂ ਉਪਰਾਲਿਆਂ ਦੀ ਬਹੁਤ ਤਾਰੀਫ਼ ਕੀਤੀ । ਲਹਿੰਦੇ ਪੰਜਾਬ ਦੇ ਸੱਭ ਨਾਮਵਰ ਕਵੀਆਂ ਨੇ ਸ : ਅਜੈਬ ਸਿੰਘ ਚੱਠਾ ਜੀ ਦੇ ਕੰਮਾਂ ਦੀ ਬਹੁਤ ਸਰਾਹਣਾ ਕੀਤੀ ਤੇ ਕਿਹਾ ਕਿ ਸ : ਅਜੈਬ ਸਿੰਘ ਚੱਠਾ ਜੀ ਦੇਸ਼ਾਂ ਪ੍ਰਦੇਸ਼ਾਂ ਵਿੱਚ ਮਾਂ ਬੋਲੀ ਪੰਜਾਬੀ , ਪੰਜਾਬੀਅਤ , ਨੈਤਿਕਤਾ ਤੇ ਸਭਿਆਚਾਰ ਲਈ ਬਹੁਤ ਸ਼ਲਾਘਾਯੋਗ ਕੰਮ ਕਰ ਹਨ । ਲਹਿੰਦੇ ਪੰਜਾਬ ਦੇ ਕਵੀਆਂ ਦਾ ਕਹਿਣਾ ਸੀ ਕਿ ਉਹ ਤੇ ਬਾਰ ਬਾਰ ਦਿਨ , ਪਹਿਰ ਤੇ ਘੜੀਆਂ ਗਿਣਦੇ ਰਹਿੰਦੇ ਹਨ ਕਿ ਕੱਦ ਇਹੋ ਜਿਹੇ ਪ੍ਰੋਗ੍ਰਾਮ ਹੋਣ ਤੇ ਅਸੀਂ ਉਸ ਵਿੱਚ ਸ਼ਾਮਿਲ ਹੋਈਏ । ਡਾ : ਸਤੀਸ਼ ਕੁਮਾਰ ਵਰਮਾ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ । ਉਹ ਬਹੁਤ ਸੋਹਣਾ ਬੋਲਦੇ ਨੇ , ਸ਼ਬਦਾਂ ਦਾ ਭੰਡਾਰ ਹੈ ਉਹਨਾਂ ਕੋਲ । ਡਾ : ਸਰਬਜੀਤ ਕੌਰ ਸੋਹਲ ਜੀ ਦਾ ਕਹਿਣਾ ਹੈ ਕਿ ਅਸੀਂ ਸੱਭ ਇਕ ਦੂਸਰੇ ਦੇ ਪੂਰਕ ਹਾਂ । ਹਰਿਆਣਾ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਗੁਰਵਿੰਦਰ ਸਿੰਘ ਨੇ ਵੀ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ । ਹਰੇਕ ਮੈਂਬਰਜ਼ ਨੇ ਲਹਿੰਦੇ ਪੰਜਾਬ ਦੇ ਇਸ ਕਵੀ ਦਰਬਾਰ ਦੀ , ਡਾ : ਸਰਬਜੀਤ ਕੌਰ ਸੋਹਲ ਜੀ ਤੇ ਚੇਅਰਮੈਨ ਸ : ਅਜੈਬ ਸਿੰਘ ਚੱਠਾ ਜੀ ਦੇ ਕਾਰਜਾਂ ਦੀ ਬਹੁਤ ਪ੍ਰਸ਼ੰਸਾ ਕੀਤੀ । ਡਾ : ਸਰਬਜੀਤ ਕੌਰ ਸੋਹਲ ਜੀ ਤੇ ਸਾਰੀ ਟੀਮ ਵਧਾਈ ਦੀ ਪਾਤਰ ਹੈ । ਅਰਵਿੰਦਰ ਢਿੱਲੋਂ ਬੇਹਤਰੀਨ ਹੋਸਟਿੰਗ ਕਰਦੇ ਹਨ , ਕਾਬਿਲੇਤਾਰੀਫ ਹੈ ।ਧੰਨਵਾਦ ਸਹਿਤ ।
ਰਮਿੰਦਰ ਰਮੀ

Please Click here for Share This News

Leave a Reply

Your email address will not be published.