Sunam : Punjab Cabinet Minister Aman Arora visit sunam and check the Development Works in Sunam. Minister warns to officers and contractors for best work quality.
ਪੰਜਾਬ ਦੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਆਪਣੇ ਸਖਤ ਸੁਭਾਅ ਅਤੇ ਸਖਤ ਮਿਹਨਤ ਕਾਰਨ ਹਮੇਸ਼ਾਂ ਚਰਚਾ ਵਿਚ ਰਹਿੰਦੇ ਨੇ। ਪਿਛਲੇ ਹਫਤੇ ਉਨ੍ਹਾਂ ਨੇ ਸੁਨਾਮ ਵਿਖੇ ਹੋ ਰਹੇ ਵਿਕਾਸ ਕਾਰਜਾਂ ਵਿਚ ਘਪਲੇਬਾਜੀ ਦੇਖ ਕੇ ਠੇਕੇਦਾਰ ‘ਤੇ ਕਾਫੀ ਗੁੱਸਾ ਝਾੜਿਆ ਸੀ, ਜਿਸ ਕਾਰਨ ਵਿਰੋਧੀਆਂ ਵਲੋਂ ਆਲੋਚਨਾ ਵੀ ਹੋਈ ਅਤੇ ਲੋਕਾਂ ਨੇ ਮੰਤਰੀ ਦੇ ਗੁੱਸੇ ਦੀ ਪ੍ਰਸੰਸਾ ਵੀ ਕੀਤੀ। ਪਰ ਅਮਲੀ ਤੌਰ ‘ਤੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਦਾ ਗੁੱਸਾ ਇੰਨਾ ਰੰਗ ਲਿਆਇਆ ਕਿ ਜਿਥੇ ਵਿਕਾਸ ਕਾਰਜਾਂ ਵਿਚ ਘਪਲੇਬਾਜੀ ਨੂੰ ਨੱਥ ਪੈ ਗਈ, ਉਥੇ ਮਹੀਨਿਆਂ ਵਿਚ ਹੋਣ ਵਾਲਾ ਕੰਮ ਹਫਤੇ ਵਿਚ ਹੀ ਹੋ ਗਿਆ।
ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਐਤਵਾਰ ਕੈਬਨਿਟ ਮੰਤਰੀ ਅਮਨ ਅਰੋੜਾ ਨੇ ਆਪਣੇ ਜੱਦੀ ਹਲਕੇ ਸੁਨਾਮ ਦਾ ਦੌਰਾ ਕੀਤਾ ਸੀ, ਜਿਥੇ ਇਕ ਕਰੋੜ ਦੀ ਲਾਗਤ ਨਾਲ ਸਬਜੀ ਮੰਡੀ ਵਿਚ ਵਿਕਾਸ ਕਾਰਜ ਚੱਲ ਰਹੇ ਸਨ। ਜਦੋਂ ਮੰਤਰੀ ਨੇ ਦੇਖਿਆ ਕਿ ਇੱਟਾਂ ਵੀ ਪੁਰਾਣੀਆਂ ਵਰਤੀਆਂ ਜਾ ਰਹੀਆਂ ਨੇ ਅਤੇ ਸਾਰਾ ਮਟੀਰੀਅਲ ਵੀ ਘਟੀਆ ਵਰਤਿਆ ਜਾ ਰਿਹਾ ਹੈ ਤਾਂ ਮੰਤਰੀ ਨੇ ਠੇਕੇਦਾਰ ਅਤੇ ਅਫਸਰਾਂ ਦੀ ਖੂਬ ਖਿਚਾਈ ਕੀਤੀ। ਉਨ੍ਹਾਂ ਨੇ ਗੁੱਸੇ ਵਿਚ ਵਾਰਨਿੰਗ ਦੇ ਦਿੱਤੀ ਕਿ ਮੈਂ ਅਗਲੇ ਐਤਵਾਰ ਫੇਰ ਆਵਾਂਗ। ਹੁਣ ਅੱਜ ਜਦੋਂ ਮੰਤਰੀ ਨੇ ਮੁੜ ਉਸੇ ਥਾਂ ਦਾ ਦੌਰਾ ਕੀਤਾ ਤਾਂ ਦੇਖਿਆ ਕਿ ਸਾਰਾ ਕੰਮ ਬੜੀ ਤੇਜੀ ਨਾਲ ਚੱਲ ਰਿਹਾ ਸੀ ਅਤੇ ਸਾਰਾ ਮਟੀਰੀਅਲ ਵੀ ਵਧੀਆ ਵਰਤਿਆ ਜਾ ਰਿਹਾ ਸੀ। ਅੱਜ ਵੀ ਮੰਤਰੀ ਨੇ ਮੁੜ ਠੇਕੇਦਾਰ ਅਤੇ ਅਫਸਰਾਂ ਨੂੰ ਵਾਰਨਿੰਗ ਦਿੱਤੀ ਕਿ ਵਿਕਾਸ ਕਾਰਜਾਂ ਵਿਚ ਪੂਰੀ ਇਮਾਨਦਾਰੀ ਨਾਲ ਕੰਮ ਕੀਤਾ ਜਾਵੇ। ਮੰਤਰੀ ਨੇ ਕਿਹਾ ਕਿ ਜੇਕਰ ਕੋਈ ਅਫਸਰ ਕੰਮਾਂ ਵਿਚ ਅੜਿੱਕਾ ਡਾਹੁੰਦਾ ਹੈ ਜਾਂ ਰਿਸ਼ਵਤ ਮੰਗਦਾ ਹੈ ਤਾਂ ਮੈਨੂੰ ਦੱਸੋ, ਮੈਂ ਉਸ ਖਿਲਾਫ ਕਾਰਵਾਈ ਕਰਾਂਗਾ। ਪਰ ਮੰਤਰੀ ਨੇ ਕਿਹਾ ਕਿ ਵਿਕਾਸ ਕਾਰਜਾਂ ਵਿਚ ਹੇਰਾਫੇਰੀ ਬਿੱਲਕੁੱਲ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ।