best platform for news and views

ਭਿੱਖੀਵਿੰਡ ਵਿਖੇ ਕੱਢੀ ਮਲੇਰੀਆ ਵਿਰੋਧੀ ਜਾਗਰੂਕਤਾ ਰੈਲੀ

Please Click here for Share This News

ਹਰਜਿੰਦਰ ਸਿੰਘ ਗੋਲਣ, ਭਿੱਖੀਵਿੰਡ
ਸਿਵਲ ਸਰਜਨ ਤਰਨਤਾਰਨ ਦੀਆਂ ਹਦਾਇਤਾਂ ਮੁਤਾਬਿਕ ਅੱਜ ਸਿਹਤ ਵਿਭਾਗ ਵੱਲੋਂ  ਇੱਥੇ
ਮਲੇਰੀਆ ਵਿਰੋਧੀ ਜਾਗਰੂਕਤਾ ਰੈਲੀ ਕੱਢੀ ਗਈ। ਜਿਸ ਨੂੰ ਸੀਨੀਅਰ ਮੈਡੀਕਲ ਅਫ਼ਸਰ ਡਾ:
ਕੰਵਰ ਹਰਜੋਤ ਸਿੰਘ ਨੇ ਸਰਕਾਰੀ ਸੀਨੀਅਰ ਸੈਕੰਡਰੀ ਲੜਕੇ ਤੋਂ ਝੰਡੀ ਦੇ ਕੇ ਰਵਾਨਾ
ਕੀਤਾ।
ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਉਨਾਂ ਕਿਹਾ ਕਿ ਗਰਮੀਂ ਦੇ ਮੌਸਮ ਆਲੇ ਦੁਆਲੇ ਦੀ ਸਫਾਈ
ਵੱਲ ਖਾਸ ਧਿਆਨ ਦੇਣਾ ਚਾਹੀਦਾ ਹੈ।ਉਨਾਂ ਕਿਹਾ ਸੌਣ ਸਮੇਂ ਪੂਰੇ ਸ਼ਰੀਰ ਨੂੰ ਢੱਕ ਕੇ
ਰੱਖਣ ਵਾਲੇ ਕੱਪੜੇ ਪਾਉਣੇ ਚਾਹੀਦੇ ਹਨ, ਇਸ ਤੋਂ ਇਲਾਵਾ ਮੱਛਰ ਦਾਨੀ ਆਦਿ ਦੀ ਵਰਤੋਂ
ਵੀ ਕੀਤੀ ਜਾ ਸਕਦੀ ਹੈ।
ਇਸ ਮੌਕੇ ਬੋਲਦਿਆਂ ਬਲਾਕ ਐਜੂਕੇਟਰ ਮਹੇਸ਼ ਸ਼ਰਮਾ ਨੇ ਦੱਸਿਆ ਕਿ ਸਿਹਤ ਵਿਭਾਗ ਦੇ ਵਰਕਰ
ਘਰ-ਘਰ ਜਾ ਕੇ ਲੋਕਾਂ ਦੇ ਖੂਨ ਦੀ ਜਾਂਚ ਕਰਦੇ ਹਨ। ਜਿਸ ਕਿਸੇ ਵਿੱਚ ਮਲੇਰੀਆ ਦੇ ਲੱਛਣ
ਦਿਖਾਈ ਦਿੰਦੇ ਹਨ, ਉਸ ਨੂੰ ਪ੍ਰੇਰਿਤ ਕਰਕੇ ਇਲਾਜ਼ ਲਈ ਸਰਕਾਰੀ ਹਸਪਤਾਲ ਭੇਜਿਆ ਜਾਂਦਾ
ਹੈ। ਉਨਾਂ ਸਮੂਹ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਸਿਹਤ ਵਰਕਰਾਂ ਵੱਲੋਂ ਦਿੱਤੀਆਂ
ਜਾਂਦੀਆਂ ਸਹੂਲਤਾਂ ਦਾ ਲਾਭ ਲੈਣ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਐਸ.ਆਈ. ਹਰਮੇਸ਼ ਚੰਦਰ, ਸਲਵਿੰਦਰ ਸਿੰਘ, ਸਕੂਲ ਦੇ
ਪਿ੍ਰੰਸੀਪਲ ਸਤਵਿਦਰ ਸਿੰਘ, ਸਿਹਤ ਵਰਕਰ ਤੇਜਬੀਰ ਸਿੰਘ, ਤਰਸੇਮ ਸਿੰਘ, ਬਲਜਿੰਦਰ ਸਿੰਘ
ਅਤੇ ਸਮੂਹ ਅਧਿਆਪਕ ਹਾਜ਼ਰ ਸਨ।


ਫੋਟੋ ਕੈਪਸ਼ਨ :- ਜਾਗਰੂਕਤਾ ਰੈਲੀ ਕੱਢਦੇ ਹੋਏ ਸਕੂਲ਼ ਵਿਦਿਆਰਥੀ, ਐਸ.ਐਮ.ੳ ਡਾ:ਕੰਵਰ
ਹਰਜੋਤ ਸਿੰਘ ਸਮੇਤ ਸਿਹਤ ਵਿਭਾਗ ਦੇ ਮੁਲਾਜਮ।

Please Click here for Share This News

Leave a Reply

Your email address will not be published. Required fields are marked *