ਉਨਟਾਈਓ ਫ਼ਰੈਂਡਜ਼ ਕਲੱਬ ਵੱਲੋਂ ਮਿਨੀ ਕਹਾਣੀ ਤੇ ਸੰਗੀਤਕ ਮਹਿਫ਼ਲ ਦੀ ਸਫ਼ਲ ਪੇਸ਼ਕਾਰੀ

ਉਂਨਟਾਰੀਓ ਫ਼ਰੈਂਡਜ਼ ਕਲੱਬ ਵੱਲੋਂ ਮਿਨੀ ਕਹਾਣੀ ਤੇ ਸੰਗੀਤਕ ਮਹਿਫ਼ਲ 21 ਮਾਰਚ ਦਿਨ ਐਤਵਾਰ ਨੂੰ 10 ਵਜੇ ਕੈਨੇਡਾ ਸਮਾਂ ਸਵੇਰ ਓ ਐਫ਼ ਸੀ ਪ੍ਰਧਾਨ ਸ : ਰਵਿੰਦਰ ਸਿੰਘ ਕੰਗ ਵੱਲੋਂ ਆਯੋਜਨ ਕੀਤਾ ਗਿਆ । ਮੈਂਬਰਜ਼ ਦੀ ਭਰਵੀਂ ਹਾਜ਼ਰੀ ਸੀ । ਪ੍ਰਧਾਨ ਕੰਗ ਜੀ ਨੇ ਮੈਂਬਰਜ਼ ਨੂੰ ਜੀ ਆਇਆ ਕਿਹਾ ਤੇ ਮੀਟਿੰਗ ਹੋਸਟ ਤੇ ਸਭਾ ਦੀ ਜਨਰਲ ਸਕੱਤਰ ਅਮਨਪ੍ਰੀਤ ਕੌਰ ਕੰਗ ਨੂੰ ਮੀਟਿੰਗ ਸ਼ੁਰੂ ਕਰਨ ਲਈ ਕਿਹਾ । ਇਸ ਵਾਰ ਦੀ ਕਹਾਣੀ ਮੀਟਿੰਗ ਵਿੱਚ ਪਹਿਲਾਂ ਡਾ : ਅਮਨਪ੍ਰੀਤ ਕੌਰ ਕੰਗ ਤੇ ਫਿਰ ਤਰਸੇਮ ਗੋਪੀ ਕਾ ਜੀ ਨੇ ਹੋਸਟ ਦੀ ਜ਼ੁੰਮੇਵਾਰੀ ਨੂੰ ਬਾਖੂਬੀ ਨਿਭਾਇਆ । ਅਮਨਪ੍ਰੀਤ ਕੰਗ ਨੇ ਓ ਐਫ਼ ਸੀ ਪ੍ਰਧਾਨ ਰਵਿੰਦਰ ਸਿੰਘ ਕੰਗ , ਚੇਅਰਮੈਨ ਸ : ਅਜੈਬ ਸਿੰਘ ਚੱਠਾ , ਰਮਿੰਦਰ ਵਾਲੀਆ ਸਰਪ੍ਰਸਤ ਵੂਮੈਨ ਵਿੰਗ ਤੇ ਮੀਡੀਆ ਡਾਇਰੈਕਟਰ ਓ ਐਫ ਸੀ , ਕੁਲਵੰਤ ਕੌਰ ਚੰਨ ਪ੍ਰਧਾਨ ਵੂਮੈਨ ਵਿੰਗ ਓ ਐਫ ਸੀ ਇਹਨਾਂ ਨੂੰ ਜੀ ਆਇਆ ਕਿਹਾ ਤੇ ਕਹਾਣੀ ਮੀਟਿੰਗ ਸ਼ੁਰੂ ਕਰਦੇ ਹੋਏ ਕਹਾਣੀਕਾਰਾਂ ਨੂੰ ਵਾਰੀ ਸਿਰ ਕਹਾਣੀ ਪੜ੍ਹਣ ਲਈ ਕਿਹਾ 1 ) ਡਾ: ਇੰਦਰਪਾਲ ਕੌਰ :-ਤਿੰਨ ਗੁਣਾ ਲਾਭ 2 ) ਗੋਲਡੀ ਸਿੰਘ :- ਦੋ ਟੁੱਟੀਆਂ ਹੱਡੀਆਂ 3 ) ਵੀਨਾ ਬਟਾਲਵੀ 4 ) ਅਮਨਦੀਪ ਕੌਰ ਜਲੰਧਰੀ :- ਰੱਜੋ ਤਾਈ 5 ) ਅਮਨਪ੍ਰੀਤ ਕੰਗ :- ਹੱਕ ਦੀ ਕਮਾਈ 6 ) ਮਨਜੀਤ ਕੌਰ ਜੀਤ :- ਸ਼ਰਮਿੰਦਾ 7 ) ਬਲਬੀਰ ਸਿੰਘ ਬੱਬੀ :- ਕਿਸਾਨ ਮਜ਼ਦੂਰ ਏਕਤਾ 8 ) ਮਨਮੀਤ ਸਿੰਘ :- ਮੋਤ 9 ) ਕੁਲਬੀਰ ਸਿੰਘ ਕੰਗ ਲੈਕਚਰਾਰ :- ਨਿਕੰਮੀ ਕਹਾਣੀਆਂ ਸਮੇਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਪੇਸ਼ ਕੀਤੀਆਂ ਜੋ ਹਰ ਇਕ ਮੈਂਬਰਜ਼ ਨੇ ਬਹੁਤ ਧਿਆਨ ਨਾਲ ਸੁਣੀਆਂ । ਕਹਾਣੀ ਮੀਟਿੰਗ ਦੇ ਬਾਦ ਕਹਾਣੀਕਾਰਾਂ ਦੀ ਕਹਾਣੀ ਦਾ ਡਾ: ਨੈਬ ਸਿੰਘ ਮੰਡੇਰ ਵੱਲੋਂ ਵਿਸ਼ਲੇਸ਼ਣ ਕੀਤਾ ਜਾਂਦਾ ਹੈ । ਡਾ : ਨੈਬ ਸਿੰਘ ਮੰਡੇਰ ਕਹਾਣੀ ਵਿਸ਼ਲੇਸ਼ਣ ਵਿੱਚ ਬਹੁਤ ਮਾਹਿਰ ਹਨ ਤੇ ਬੇਹਤਰੀਨ ਤਰੀਕੇ ਨਾਲ ਕਹਾਣੀ ਵਿਸ਼ਲੇਸ਼ਣ ਕਰਦੇ ਹੋਏ ਮਿਨੀ ਕਹਾਣੀ ਦੀਆਂ ਬਾਰੀਕੀਆਂ ਦੇ ਬਾਰੇ ਵਿੱਚ ਵੀ ਦੱਸਦੇ ਰਹਿੰਦੇ ਹਨ । ਉਹਨਾਂ ਦਾ ਕਹਾਣੀ ਵਿਸ਼ਲੇਸ਼ਣ ਕਰਨ ਦਾ ਤਰੀਕਾ ਕਾਬਿਲੇ ਤਾਰੀਫ਼ ਹੈ । ਡਾ: ਨੈਬ ਸਿੰਘ ਮੰਡੇਰ ਨੇ ਮਿਨੀ ਕਹਾਣੀ ਦਾ ਵਿਸ਼ਲੇਸ਼ਣ ਕਰਦੇ ਹੋਏ ਆਪਣੇ ਬਹੁਤ ਹੀ ਖ਼ੂਬਸੂਰਤ ਵਿਚਾਰ ਸਾਂਝੇ ਕੀਤੇ । ਉਹਨਾਂ ਅਨੁਸਾਰ ਹੂਬਹੂ ਮਿਨੀ ਕਹਾਣੀ ਪੇਸ਼ ਕਰੋ ਤੇ ਉਹ ਮਿਆਰੀ ਕਹਾਣੀ ਹੁੰਦੀ ਹੈ । ਮਿਨੀ ਕਹਾਣੀ ਦਾ ਸਿਰਲੇਖ ਵੀ ਬੱਝਵਾਂ ਹੀ ਹੋਣਾ ਚਾਹੀਦਾ ਹੈ । ਰਚਨਾ ਗੁੰਦਵੇਂ ਸ਼ਬਦਾਂ ਵਿੱਚ ਹੋਣੀ ਚਾਹੀਦੀ ਹੈ ।
ਗੀਤ ਸੰਗੀਤ ਦੀ ਮਹਿਫ਼ਲ ਦਾ ਆਗਾਜ਼ ਕਾਮੇਡੀ ਕਿੰਗ ਸ : ਤਰਲੋਕ ਸਿੰਘ ਚੁੱਘ ਜੀ ਦੇ ਰੂਬਰੂ ਨਾਲ ਹੋਇਆ । ਉਹਨਾਂ ਚੁਟਕਲਾ , ਹਾਸ-ਰਸ ਗੱਲ ਸੁਣਾਉਂਦਿਆਂ ਕਿਹਾ ਕਿ ਪਤਨੀ ਕਹਿੰਦੀ ਕੀ ਮੈਂ ਤੁਹਾਨੂੰ ਸੁਪਨਿਆਂ ਵਿੱਚ ਆਉਂਦੀ ਹਾਂ ਕਹਿੰਦਾ ਮੈਂ ਹਨੂਮਾਨ ਚਾਲੀਸਾ ਪੜ੍ਹ ਕੇ ਸੌਂਦਾ ਹਾਂ । ਚੁੱਘ ਜੀ ਦੇ ਅਨੁਸਾਰ ਸਾਨੂੰ ਹਰ ਸਥਿਤੀ ਵਿੱਚ ਮੁਸਕਰਾਉਂਦੇ ਰਹਿਣਾ ਚਾਹੀਦਾ ਹੈ । ਉਹਨਾਂ ਕਿਹਾ ਕਿ ਰੱਬ ਕੋਲ ਇਕ ਫ਼ਰਿਸ਼ਤਾ ਹੈ ਤੇ ਉਹ ਔਰਤ ਹੈ । ਚੁੱਘ ਜੀ ਦੇ ਚੁਟਕਲੇ ਤੇ ਹਸਾਉਣੀਆਂ ਗੱਲਾਂ ਸੁਣ ਕੇ ਹਰ ਕੋਈ ਮੁਸਕਰਾ ਪਿਆ ਤੇ ਹੱਸੇ ਬਿਨਾ ਨਹੀਂ ਰਹਿ ਸਕਿਆ । ਚੁੱਘ ਜੀ ਦੇ ਜੋਕਸ ਨੇ ਮਾਹੋਲ ਨੂੰ ਬਹੁਤ ਹੀ ਖ਼ੁ਼ਸ਼ ਗਵਾਰ ਬਣਾ ਦਿੱਤਾ ਤੇ ਹਰ ਇਕ ਨੇ ਉਹਨਾਂ ਦੇ ਸਭਾ ਵਿੱਚ ਆਉਣ ਦਾ ਦਿਲ ਖੋਲ ਕੇ ਸਵਾਗਤ ਕੀਤਾ । ਆਖੀਰ ਵਿੱਚ ਸੰਗੀਤਕ ਮਹਿਫ਼ਲ ਦਾ ਆਯੋਜਨ ਹੁੰਦਾ ਹੈ ਜੋ ਇਸ ਤਰਾਂ ਸੀ ।
ਗੀਤ ਸੰਗੀਤ ਦੀ ਮਹਿਫ਼ਲ :-
1 ) ਕੁਲਵੰਤ ਕੌਰ ਚੰਨ :- ਨੀ ਮੈਂ ਲੁੱਕ ਲੁੱਕ 2 )ਸੁਦੇਸ਼ ਨੂਰ :- ਆਜਾ ਮਾਲਣੇ ਨੀ ਅੱਜ ਸਿਹਰਾ ਬਣਾਈਏ । 3 ) ਗੁਰਜੀਤ ਅਜਨਾਲਾ :- ਔਕੜਾਂ ਦੇ ਪੱਖੋਂ ਹੁੰਦੇ ਜੋ ਸੂਰਮੇ 4 ) ਸ਼ਰਨਜੀਤ ਕੌਰ ਅਨਹਦ :- ਕੁੰਡੇ ਦੀ ਚੱਟਣੀ ਸੀ ਤੇ ਖੂੰਡੇ ਦਾ ਡਰ ਹੁੰਦਾ ਸੀ 5 ) ਪ੍ਰਭਜੀਤ ਧੀਮਾਨ :- ਕੁੜੀਏ ਕਿਸਮਤ ਲੜੀਏ ਤੈਨੂੰ ਐਨਾ ਪਿਆਰ ਦਿਆਂ , ਆਪਣੇ ਹਿੱਸੇ ਦੀ ਦੁਨੀਆਂ ਮੈਂ ਤੈਥੋਂ ਵਾਰ ਦਿਆਂ ।
6 ) ਗੁਰਪ੍ਰੀਤ ਕੌਰ ਗੇਂਦੂ :- ਇਹਨਾਂ ਪੈੜਾਂ ਦਾ ਮੈਂ ਕੀ ਕਰਾਂ , ਇਹਨਾਂ ਮੈਨੂੰ ਬੜਾ ਸਤਾਇਆ 7 ) ਬੇਬੀ ਮ੍ਰਾਣਾਲਿਕਾ 8 ) ਅਮਨਪ੍ਰੀਤ ਕੌਰ ਕੰਗ :- ਮੇਰੇ ਵੱਲ ਜ਼ਰਾ ਤੱਕ ਵੇ ਮੇਰੇ ਹਾਣ ਦਿਆ ਬੇਲੀਆ । 9 ) ਤਰਸੇਮ ਗੋਪੀ ਕਾ :- ਜਿਹਨਾਂ ਜ਼ਿੰਦਗੀ ਵਿੱਚ ਕੀਤੀ ਏ ਮਿਹਨਤਾਂ ਦੀ ਕਮਾਈ ।
10 ) ਕੁਲਬੀਰ ਸਿੰਘ 11 ) ਗੁਰਪ੍ਰੀਤ ਪ੍ਰੀਤ ਸਹੋਤਾ :-ਅੱਜ ਮਾਂ ਦੀਆਂ ਪੱਕੀਆਂ ਰੋਟੀਆਂ ਖਾਣ ਨੂੰ ਜੀ ਕਰਦਾ । ਇਸ ਦੁਨੀਆਂ ਵਿੱਚ ਜਿੰਨੇ ਰਿਸ਼ਤੇ ਸੱਭ ਝੂਠੇ , 12 ) ਮਨਜੀਤ ਕੌਰ ਜੀਤ 13 ) ਰਜਿੰਦਰ ਕੌਰ :- ਢੋਲਾ ਮੇਰੇ ਜੀਵੇ ਢੋਲਾ 14 ) ਸ਼ਰਨਜੀਤ ਕੌਰ ਅਨਹਦ :- ਕਾਲਾ ਸ਼ਾਹ ਕਾਲਾ ਮੇਰਾ ਗੋਰਾ ਹੀ ਸਰਦਾਰ । ਗਿਆ । ਜਿਹਨਾ ਦੇ ਨਾਮ ਇਸ ਤਰਾਂ ਹਨ । ਹਰ ਇਕ ਸਿੰਗਰ ਨੇ ਆਪਣੀ ਪਿਆਰੀ ਤੇ ਮਿੱਠੀ ਅਵਾਜ਼ ਵਿੱਚ ਗੀਤ ਸੁਣਾ ਕੇ ਸੱਭ ਦੇ ਮਨਾ ਨੂੰ ਮੋਹ ਲਿਆ । ਸੰਗੀਤ ਸੁਣ ਕੇ ਤੇ ਵੈਸੇ ਵੀ ਰੂਹ ਤ੍ਰਿਪਤ ਹੋ ਜਾਂਦੀ ਹੈ । ਇਹਨਾਂ ਵੈਬੀਨਾਰਾਂ ਵਿੱਚ ਦੇਸ਼ਾਂ ਵਿਦੇਸ਼ਾਂ ਤੋਂ ਮੈਂਬਰਜ਼ ਸ਼ਿਰਕਤ ਕਰਦੇ ਹਨ । ਆਖੀਰ ਵਿੱਚ ਚੇਅਰਮੈਨ ਸ : ਅਜੈਬ ਸਿੰਘ ਚੱਠਾ ਤੇ ਰਮਿੰਦਰ ਵਾਲੀਆ ਸਰਪ੍ਰਸਤ ਵੂਮੈਨ ਵਿੰਗ ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ । ਵਾਹਿਗੁਰੂ ਅੱਗੇ ਦੁਆ ਕਰਦੇ ਹਾਂ ਕਿ ਪ੍ਰਧਾਨ ਰਵਿੰਦਰ ਸਿੰਘ ਕੰਗ ਦੀ ਅਗਵਾਈ ਵਿੱਚ ਓ ਐਫ਼ ਸੀ ਦਿਨ ਦੁਗਣੀ ਤੇ ਰਾਤ ਚੋਗੁਣੀ ਤਰੱਕੀਆਂ ਕਰੇ । ਧੰਨਵਾਦ ਸਹਿਤ ।
ਰਮਿੰਦਰ ਵਾਲੀਆ ਸਰਪ੍ਰਸਤ
ਵੂਮੈਨ ਵਿੰਗ ਓ ਐਫ਼ ਸੀ
ਮੀਡੀਆ ਡਾਇਰੈਕਟਰ
ਓ ਐਫ਼ ਸੀ ।